Madridning «Real» klubi bosh murabbiyi Alvaro Arbeloa Kilian Mbappening o‘yindan keyingi bayonotiga munosabat bildirdi.
Avvalroq fransuz hujumchisi «Ovyedo»ga qarshi uchrashuvdan keyin murabbiy unga jamoada “to‘rtinchi hujumchi” ekanini aytganini ma’lum qilgan edi.
Arbeloa esa bu gaplarni rad etdi.
“Menda to‘rtta hujumchi bo‘lishini istardim, ammo hozir bunday emas. Nima deb javob berishni ham bilmayman, chunki menda to‘rt nafar forvard yo‘q va unga hech qachon bunday gap aytmaganman. Ehtimol, u meni noto‘g‘ri tushungandir. Hech qaysi vaziyatda men uni to‘rtinchi hujumchi deb aytmaganman”, — dedi Arbeloa.
Mbappe joriy mavsum barcha musobaqalarda 42 ta uchrashuvda ishtirok etib, 41 ta gol va 7 ta golli uzatmaga mualliflik qildi.













