Мадриднинг «Реал» клуби бош мураббийи Альваро Арбелоа Килиан Мбаппенинг ўйиндан кейинги баёнотига муносабат билдирди.

Аввалроқ француз ҳужумчиси «Овьедо»га қарши учрашувдан кейин мураббий унга жамоада “тўртинчи ҳужумчи” эканини айтганини маълум қилган эди.

Арбелоа эса бу гапларни рад этди.

“Менда тўртта ҳужумчи бўлишини истардим, аммо ҳозир бундай эмас. Нима деб жавоб беришни ҳам билмайман, чунки менда тўрт нафар форвард йўқ ва унга ҳеч қачон бундай гап айтмаганман. Эҳтимол, у мени нотўғри тушунгандир. Ҳеч қайси вазиятда мен уни тўртинчи ҳужумчи деб айтмаганман”, — деди Арбелоа.

Мбаппе жорий мавсум барча мусобақаларда 42 та учрашувда иштирок этиб, 41 та гол ва 7 та голли узатмага муаллифлик қилди.