Xorvatiya terma jamoasi 2026 yilgi Jahon chempionati uchun o‘z qaydnomasini e’lon qildi. Ro‘yxat 26 ta asosiy futbolchi va yettita zaxira o‘yinchisidan iborat.

E’tiborli jihati shundaki, «shaxmatchilar»ning qaydnomasidan «Milan» klubining 40 yoshli yarim himoyachisi Luka Modrich ham joy olgan. U bunga qadar 2006, 2014, 2018 va 2022 yillardagi Jahon chempionatlarida ishtirok etgan. 2018 yilda xorvatlar finalgacha yetib borib, «Lujniki» stadionida Fransiyaga 2:4 hisobida imkoniyatni boy berishgan edi.

Xorvatiya terma jamoasining JCH-2026 uchun qaydnomasidan, shuningdek, Yoshko Gvardiol, Ivan Perishich, Mateo Kovachich va Yosip Stanishich kabi futbolchilar ham o‘rin olgan.

Mundialning guruh bosqichida Xorvatiya terma jamoasi Angliya, Panama va Gana terma jamoalariga qarshi maydonga tushadi. Eslatib o‘tamiz, Jahon chempionati AQSH, Kanada va Meksika maydonlarida bo‘lib o‘tadi.