Ispaniya terma jamoasining sobiq darvozaboni Santyago Kanisares jamoaning yangi sardori haqida gapira turib, «Real Madrid» vingeri Vinisius Juniorni xulq-atvori uchun tanqid qildi.
Himoyachi Daniel Karvaxal mavsum yakunida «Madrid»ni tark etmoqda. Uning o‘rniga yarim himoyachi Federiko Valverde yangi sardorga aylanishi kutilyapti. Vinisius esa vise-sardorlardan biri bo‘lib qoladi.
«Valverde — haqiqiy professional, lekin u yetakchi (lider) emas. U boshqalarni ruhlantira oladigan yoki muammolarni hal qiladiganlar sirasidan emas.
Vinisiusning o‘zini tutishi esa «Real» sardori qanday bo‘lishi kerakligi haqidagi tushunchaga mutlaqo ziddir. Sardor jiddiylik, yuqori klass va vazminlik namoyish etishi lozim, unda esa bu fazilatlar yo‘q.
Modrich, Kroos va Karvaxal borligida «Real» kiyinish xonasi butunlay boshqacha edi», — dedi «Real» akademiyasi tarbiyalanuvchisi hisoblangan Kanisares.
