«Bornmut» klubi keyingi mavsumda o‘z tarixida ilk bor yevrokuboklarda maydonga tushadi.
APLning 37-turida Andoni Iraola shogirdlari «Manchester Siti» bilan durang o‘ynashdi (1:1).
Yakuniy tur oldidan «Bornmut» 56 ochko jamg‘argan holda turnir jadvalida 6-o‘rinni band etib turibdi. Shu tariqa, klub o‘zining 127 yillik tarixida birinchi marta yevrokubok musobaqalarida ishtirok etishni naqd qildi.
Mavsumning so‘nggi uchrashuvida «Bornmut» safarda «Nottingem Forest» mehmoni bo‘ladi. APL 38-turidan o‘rin olgan ushbu bahs 24 may kuni bo‘lib o‘tadi.













