«Борнмут» клуби кейинги мавсумда ўз тарихида илк бор еврокубокларда майдонга тушади.
АПЛнинг 37-турида Андони Ираола шогирдлари «Манчестер Сити» билан дуранг ўйнашди (1:1).
Якуний тур олдидан «Борнмут» 56 очко жамғарган ҳолда турнир жадвалида 6-ўринни банд этиб турибди. Шу тариқа, клуб ўзининг 127 йиллик тарихида биринчи марта еврокубок мусобақаларида иштирок этишни нақд қилди.
Мавсумнинг сўнгги учрашувида «Борнмут» сафарда «Ноттингем Форест» меҳмони бўлади. АПЛ 38-туридан ўрин олган ушбу баҳс 24 май куни бўлиб ўтади.
