Milanning «Inter» klubi darvozaboni Yann Zommer o‘zi tanlagan o‘yin pozisiyasi uchun past hisoblangan bo‘yi — 183 santimetr borasida hech qanday kompleksga ega emasligini tushuntirib o‘tdi. Uning so‘zlariga ko‘ra, matbuotda bu mavzuda chiqayotgan maqolalar hech qanday asosga ega emas va ko‘pincha shunchaki «to‘qib chiqarilgan».
«Bo‘yim pastligi sababli gol o‘tkazib yuborganimni eslay olmayman. Bu uydirma Men Germaniyada, «Borussiya» tarkibida Bilbaoning «Atletik» klubiga qarshi o‘yinda burchak to‘pidan so‘ng uchta gol o‘tkazib yuborganimdan keyin paydo bo‘lgandi. Qaysidir jurnalist bu haqda yozdi va hammasi boshlanib ketdi», — deya Zommerning so‘zlaridan iqtibos keltirmoqda derbyderby.it.
Eslatib o‘tamiz, Milanning «Inter» klubi o‘z tarixida navbatdagi — 21-marotaba Italiya chempioniga aylandi.
