Миланнинг «Интер» клуби дарвозабони Янн Зоммер ўзи танлаган ўйин позицияси учун паст ҳисобланган бўйи — 183 сантиметр борасида ҳеч қандай комплексга эга эмаслигини тушунтириб ўтди. Унинг сўзларига кўра, матбуотда бу мавзуда чиқаётган мақолалар ҳеч қандай асосга эга эмас ва кўпинча шунчаки «тўқиб чиқарилган».

«Бўйим пастлиги сабабли гол ўтказиб юборганимни эслай олмайман. Бу уйдирма Мен Германияда, «Боруссия» таркибида Бильбаонинг «Атлетик» клубига қарши ўйинда бурчак тўпидан сўнг учта гол ўтказиб юборганимдан кейин пайдо бўлганди. Қайсидир журналист бу ҳақда ёзди ва ҳаммаси бошланиб кетди», — дея Зоммернинг сўзларидан иқтибос келтирмоқда derbyderby.it.

Эслатиб ўтамиз, Миланнинг «Интер» клуби ўз тарихида навбатдаги — 21-маротаба Италия чемпионига айланди.