Shakira Jerar Pike bilan ajrashgandan keyin o‘g‘illarini qanday tarbiyalashayotgani haqida so‘zlab berdi. Xonanda va Ispaniya terma jamoasining sobiq himoyachisi 12 yillik munosabatlardan so‘ng 2022 yilning yozida ayrilishgan edi.
«Milan va Sasha doim birinchi o‘rinda bo‘lgan. Jerar ikkimiz bu masalada hamfikrmiz va yo‘llarimiz ayro bo‘lsa-da, aynan shu narsa bizni bog‘lab turadi.
Ajrashishdan keyin men umidsizlik, g‘azab, og‘riq va qayg‘uni boshdan kechirdim va ularni san’atga, ijodga va ilhomga aylantirdim. Bu menga sog‘ayishimga yordam berdi va o‘ylaymanki, ko‘plab insonlar men bilan birga davolandilar», — dedi Shakira «Por el Mundo» dasturida.
