Шакира Жерар Пике билан ажрашгандан кейин ўғилларини қандай тарбиялашаётгани ҳақида сўзлаб берди. Хонанда ва Испания терма жамоасининг собиқ ҳимоячиси 12 йиллик муносабатлардан сўнг 2022 йилнинг ёзида айрилишган эди.
«Милан ва Саша доим биринчи ўринда бўлган. Жерар иккимиз бу масалада ҳамфикрмиз ва йўлларимиз айро бўлса-да, айнан шу нарса бизни боғлаб туради.
Ажрашишдан кейин мен умидсизлик, ғазаб, оғриқ ва қайғуни бошдан кечирдим ва уларни санъатга, ижодга ва илҳомга айлантирдим. Бу менга соғайишимга ёрдам берди ва ўйлайманки, кўплаб инсонлар мен билан бирга даволандилар», — деди Шакира «Por el Mundo» дастурида.
