Saudiya Arabistoni mezbonlik qilgan 17 yoshgacha futbolchilar o‘rtasidagi Osiyo Kubogi turniri o‘z nihoyasiga yetdi.
Finalda bosh sovrin uchun Yaponiya va Xitoy terma jamoalari bahs olib bordi. Gollarga boy va murosasiz kechgan uchrashuvda yaponiyalik futbolchilar 3:2 hisobida g‘alaba qozondi.
Shu tariqa, kunchiqar yurt vakillari o‘z tarixida ikkinchi bor ushbu musobaqa g‘olibiga aylandi.
Sergey Chigodayev boshqaruvidagi O‘zbekiston U-17 terma jamoasi o‘smirlar o‘rtasidagi 2026 yilgi Osiyo Kubogi yarim finali doirasida aynan Yaponiyaga penaltilar seriyasida mag‘lub bo‘lib, musobaqani tark etgan edi.
Ma’lumot uchun, mazkur musobaqa Osiyo futbol konfederasiyasi tomonidan 21-marta tashkil etildi. 2025 yil aprel oyida Saudiya Arabistonining Jidda va Toif shaharlarida o‘tkazilgan qit’a chempionatida Islombek Ismoilov boshqaruvidagi O‘zbekiston o‘smirlar terma jamoasi o‘tkazilgan 6 ta uchrashuvning barchasida g‘alaba qozonib, bosh sovringa ega chiqqan edi.













