Xorvatiyalik yarim himoyachi Luka Modrich Italiya chempionatining joriy mavsumida o‘z klubi uchun so‘nggi o‘yinda, ya’ni «Milan»ning «Kalyari»ga qarshi bahsida albatta maydonga tushishini ta’kidladi. Avvalroq Modrichning hatto jahon chempionatida ishtirok etishi ham so‘roq ostida edi, biroq u hozirning o‘zidayoq safga qaytishga muvaffaq bo‘ldi.

«O‘zimni yaxshi his qilyapman va holatim kun sayin yaxshilanmoqda. Niqobga ham ko‘nikib qoldim. «Jenoa»ga qarshi o‘yinda bo‘lgani kabi, jamoadoshlarimga yordam bera olmasligim men uchun qiyin. Qarorni murabbiy qabul qiladi, lekin men tayyorman va uning ixtiyoridaman», — deya Modrichning so‘zlaridan iqtibos keltiradi pianetamilan.it.

Eslatib o‘tamiz, Modrich hozirgi klubi safida o‘tgan yildan buyon to‘p surib kelmoqda.