Хорватиялик ярим ҳимоячи Лука Модрич Италия чемпионатининг жорий мавсумида ўз клуби учун сўнгги ўйинда, яъни «Милан»нинг «Кальяри»га қарши баҳсида албатта майдонга тушишини таъкидлади. Аввалроқ Модричнинг ҳатто жаҳон чемпионатида иштирок этиши ҳам сўроқ остида эди, бироқ у ҳозирнинг ўзидаёқ сафга қайтишга муваффақ бўлди.

«Ўзимни яхши ҳис қиляпман ва ҳолатим кун сайин яхшиланмоқда. Ниқобга ҳам кўникиб қолдим. «Женоа»га қарши ўйинда бўлгани каби, жамоадошларимга ёрдам бера олмаслигим мен учун қийин. Қарорни мураббий қабул қилади, лекин мен тайёрман ва унинг ихтиёридаман», — дея Модричнинг сўзларидан иқтибос келтиради pianetamilan.it.

Эслатиб ўтамиз, Модрич ҳозирги клуби сафида ўтган йилдан буён тўп суриб келмоқда.