«Yuventus» bosh murabbiyi Luchano Spallettining kelajagi yaqindagina shartnomani uzaytirgan bo‘lishiga qaramay, noaniq bo‘lib qolmoqda. Mutaxassis «keksa sinyora» bilan 2028 yilgacha mo‘ljallangan shartnoma imzolagan edi. Murabbiy almashganidan keyingi o‘sishga qaramay, Turin klubi Chempionlar Ligasi yo‘llanmasisiz qolish xavfi ostida turibdi, bu esa Spallettining klubdagi faoliyati borasida shubhalarni keltirib chiqardi.

Insayder Nikolo Skiraning ma’lumotlariga ko‘ra, Luchanoning «Yuventus»da ishlashda davom etish ehtimoli hozirda taxminan 70% ni tashkil qiladi. Yaqin vaqt ichida murabbiy klub rahbariyati bilan uchrashuv o‘tkazadi.

«Byankonerilar» A Seriya so‘nggi tur uchrashuvi oldidan turnir jadvalida oltinchi o‘rinda borishmoqda. Chempionlar Ligasi o‘rinlari bo‘lgan to‘rtinchi o‘rindan ortda qolish esa ikki ochkoni tashkil etadi. «Yuventus» so‘nggi turda «Torino»ga qarshi bahs olib boradi.