«Ювентус» бош мураббийи Лучано Спаллеттининг келажаги яқиндагина шартномани узайтирган бўлишига қарамай, ноаниқ бўлиб қолмоқда. Мутахассис «кекса синьора» билан 2028 йилгача мўлжалланган шартнома имзолаган эди. Мураббий алмашганидан кейинги ўсишга қарамай, Турин клуби Чемпионлар Лигаси йўлланмасисиз қолиш хавфи остида турибди, бу эса Спаллеттининг клубдаги фаолияти борасида шубҳаларни келтириб чиқарди.
Инсайдер Николо Скиранинг маълумотларига кўра, Лучанонинг «Ювентус»да ишлашда давом этиш эҳтимоли ҳозирда тахминан 70% ни ташкил қилади. Яқин вақт ичида мураббий клуб раҳбарияти билан учрашув ўтказади.
«Бьянконерилар» А Серия сўнгги тур учрашуви олдидан турнир жадвалида олтинчи ўринда боришмоқда. Чемпионлар Лигаси ўринлари бўлган тўртинчи ўриндан ортда қолиш эса икки очкони ташкил этади. «Ювентус» сўнгги турда «Торино»га қарши баҳс олиб боради.
