«Manchester Siti» sobiq himoyachisi Mayka Richards Pep Gvardiola bosh murabbiylik lavozimini tark etganidan keyin jamoani kim boshqarishi kerakligi borasida o‘z fikri bilan o‘rtoqlashdi.
«Man Siti»da Pepsiz ham sovrinlar uchun kurasha oladigan futbolchilar bor, biroq asosiy savol — kim keyingi murabbiy bo‘ladi?
Agar insaydlarga ishonadigan bo‘lsak va «shaharliklar» haqiqatan ham Mareskani tayinlamoqchi bo‘lsa, men ularni tushunishim mumkin. U klubni va Gvardiolaning ish uslublarini biladi, «Man Siti» ham Enso bilan tanish.
Ammo Chempionlar Ligasi yarim finalida «Bavariya»ning «PSJ»ga qarshi o‘yinlarini ko‘rganimdan so‘ng, agar u xohlasa, bu lavozimni «Man Siti»dagi sobiq sherigim Vensan Kompaniga bergan bo‘lardim.
Ayniqsa, birinchi o‘yinda mag‘lub bo‘la turib, ularning qanday o‘ynagani e’tiborga loyiq. Ko‘pchilik murabbiylar o‘z yondashuvini o‘zgartirib, o‘z prinsiplariga qarshi chiqqan bo‘lardi, lekin Vensan unday emas. Bu menga yoqadi», — deb yozdi Richards.
