«Tottenxem» himoyachisi Kristian Romero o‘z klubining APLdagi taqdirini hal qilishi mumkin bo‘lgan «Everton»ga qarshi o‘yinda jamoa bilan bo‘ladi. Bu haqda Goal.com xabar bermoqda. Jarihat olgan futbolchi Argentinaga ketib qolganidan so‘ng keskin tanqidlar ostida qolgandi. Ayniqsa, «shporlar»ning sobiq murabbiyi Glenn Xoddl juda keskin fikr bildirib, o‘yinchi jamoani o‘ta muhim pallada tark etganini ta’kidlagan va bunday vaziyatda «uni shaxsan o‘zi aeroportga olib borib, boshqa qaytib kelmasligini so‘ragan bo‘lardim», deya bayonot bergan edi.

Dastlab Romero tizzasidagi jarohatdan so‘ng tiklanish jarayonini davom ettirish va «Belgrano» — «River Pleyt» uchrashuvini tomosha qilish uchun Janubiy Amerikada bo‘lgandi. Biroq keyinroq o‘z qarorini o‘zgartirib, klub qarorgohiga qaytdi. Klubda himoyachining jamoada bo‘lishi Chempionshipga tushib ketish xavfi ostida turgan tarkibning ruhiy holatiga ijobiy ta’sir ko‘rsatishidan umid qilishmoqda.