«Тоттенхэм» ҳимоячиси Кристиан Ромеро ўз клубининг АПЛдаги тақдирини ҳал қилиши мумкин бўлган «Эвертон»га қарши ўйинда жамоа билан бўлади. Бу ҳақда Goal.com хабар бермоқда. Жариҳат олган футболчи Аргентинага кетиб қолганидан сўнг кескин танқидлар остида қолганди. Айниқса, «шпорлар»нинг собиқ мураббийи Гленн Ходдл жуда кескин фикр билдириб, ўйинчи жамоани ўта муҳим паллада тарк этганини таъкидлаган ва бундай вазиятда «уни шахсан ўзи аэропортга олиб бориб, бошқа қайтиб келмаслигини сўраган бўлардим», дея баёнот берган эди.

Дастлаб Ромеро тиззасидаги жароҳатдан сўнг тикланиш жараёнини давом эттириш ва «Белграно» — «Ривер Плейт» учрашувини томоша қилиш учун Жанубий Америкада бўлганди. Бироқ кейинроқ ўз қарорини ўзгартириб, клуб қароргоҳига қайтди. Клубда ҳимоячининг жамоада бўлиши Чемпионшипга тушиб кетиш хавфи остида турган таркибнинг руҳий ҳолатига ижобий таъсир кўрсатишидан умид қилишмоқда.