«Real» yarim himoyachisi Braim Dias sovrinsiz yakunlangan mavsumdan so‘ng jamoa muxlislariga murojaat yo‘lladi.
«Qiyin, ammo saboq va o‘sishga boy mavsum o‘z nihoyasiga yetmoqda. Sizlarni to‘liq xursand qila olmaganimizdan dilimiz og‘rimoqda, chunki «Real» muxlislari eng yaxshisiga loyiqdirlar. Ammo futbol har doim revansh olish imkonini beradi va bugundan boshlab biz allaqachon keyingi mavsumga nishon oldik.
Yonimizda bo‘lganingiz, qo‘llab-quvvatlaganingiz va bizni hech qachon yolg‘izlatib qo‘ymaganingiz uchun rahmat. Biz yanada kuchliroq bo‘lib qaytamiz. Olg‘a, «Madrid», — deb yozdi Braim ijtimoiy tarmoqdagi sahifasida.
