«Torino» o‘z maydonida Italiya chempionatining 38-turi doirasida «Yuventus» bilan durang o‘ynadi — 2:2.
Hisobni 24-daqiqada «Yuventus»ning serbiyalik yarim himoyachisi Dushan Vlaxovich ochdi. 54-daqiqaga kelib u dublni rasmiylashtirdi.
60-daqiqada «Torino»ning italiyalik yarim himoyachisi Chezare Kazadei bir golning farqini qisqartirgan bo‘lsa, 84-daqiqada mezbonlarning shotlandiyalik hujumchisi Che Adams hisobni tenglashtirdi.
Jamoalar Italiya chempionatining 2025/26 yilgi mavsumidagi o‘zlarining so‘nggi o‘yinini o‘tkazishdi. «Yuventus» 38 ta o‘yindan so‘ng 69 ochko bilan turnir jadvalida oltinchi o‘rinni egalladi. «Torino» esa (38 ta o‘yindan so‘ng 45 ochko) 12-pog‘onani band etdi.
2026/27 yilgi mavsumda «Yuventus» Yevropa ligasida ishtirok etadi.
«TORINO» — «YUVENTUS» — 2:2
Gollar: Dushan Vlaxovich 24 (0:1), Dushan Vlaxovich 54 (0:2), Chezare Kazadei 60 (1:2), Che Adams 84 (2:2).
«Torino»: Paleari, Ismayli, Eboss, Koko, Emirxan Ilxan (Nkunku, 63), Gineytis (Kazadei, 46), Obrador (NjiYE, 63), Pedersen (Prati, 69), Vlashich, Simeone, Sapata (Adams, 56).
«Yuventus»: Perin, Gatti, Kelli, Kalyulyu, Lokatelli, Tyuram (Kopmeyners, 70), Kambyaso (Xolm, 63), Makkenni, Konseysau (Miretti, 71), Boga (Jegrova, 78), Vlaxovich (Devid, 62).
Ogohlantirishlar: Eboss (88) — Kalyulyu (64), Jegrova (88).
