«Napoli» bosh murabbiyi lavozimini tark etayotgan Antonio Konte Italiya terma jamoasini boshqarishi mumkinligi haqidagi ma’lumotlarga izoh berdi.

«Ayni damda men va Italiya federasiyasi o‘rtasida terma jamoa bosh murabbiyi etib tayinlanishimga oid hech qanday gap-so‘z yo‘q. Hozircha hech narsa yo‘q. Kelajakda ko‘ramiz.

Hatto federasiya prezidenti ham hozircha yo‘q... lekin bir narsani aytay. Italiya top-murabbiyni tayinlashga tayyormi?

Men Pep Gvardiola haqida o‘qidim. Agar ism aytadigan bo‘lsam, Pepni aytgan bo‘lardim. Lekin... buni amalga oshirish uchun ularda mablag‘ bormi? Bu haqda gapirishga hali juda erta. Hozircha menda hech qanday kelishuv yo‘q», — dedi Konte matbuot anjumanida.

56 yoshli Konte 2024 yildan buyon «Napoli»da ishlab kelayotgandi. Jamoa Italiya chempionatining 2025/26 yilgi mavsumida 38 ta o‘yindan so‘ng 76 ochko jamg‘arib, ikkinchi o‘rinni egalladi.

Avvalroq mutaxassis «Tottenhem», «Inter», «Chelsi», «Yuventus», «Atalanta», «Siyena», «Bari», «Aresso» jamoalarini va (2014-2016 yillarda) Italiya terma jamoasini boshqargan.

Ma’lumot uchun, Italiya terma jamoasi JCH-2026 ga chiqa olmadi. Milliy jamoa pley-off bosqichida Bosniya va Gersegovinaga qarshi kechgan bahsda mag‘lub bo‘ldi (1:1, penaltilar seriyasida 1:4). Shundan so‘ng bosh murabbiy Jennaro Gattuzo iste’foga chiqarilgan edi.