Londonning «Arsenal» klubi bosh murabbiyi Mikel Arteta Premyer-ligadagi g‘alabani nishonlash haqida o‘z fikrlarini bildirib o‘tdi.
Yakshanba kuni «kanonirlar» allaqachon chempion maqomida bo‘la turib, so‘nggi turda «Kristal Pelas»ni mag‘lub etishdi (2:1). Uchrashuv yakunida jamoaga chempionlik kubogi topshirildi.
«Biz chempionlikni nishonlashimiz kerak, bizga bu energiya zarur. Menimcha, bundan voz kechish katta xato bo‘lardi. Budapeshtda maydonga tushganimizda aynan shu kayfiyatdan foydalanishimiz kerakligi haqida allaqachon gaplashib oldik. Finalga tayyorgarlik dushanbadan boshlanadi. Klubimiz tarixida yangi sahifa ochish imkoniyatini intizorlik bilan kutyapmiz», — deya Arsenal Radar Artetaning so‘zlarini keltiradi.
«Arsenal» va «PSJ» o‘rtasidagi hal qiluvchi bahs 30 may kuni bo‘lib o‘tadi.
