Лондоннинг «Арсенал» клуби бош мураббийи Микель Артета Премьер-лигадаги ғалабани нишонлаш ҳақида ўз фикрларини билдириб ўтди.
Якшанба куни «канонирлар» аллақачон чемпион мақомида бўла туриб, сўнгги турда «Кристал Пэлас»ни мағлуб этишди (2:1). Учрашув якунида жамоага чемпионлик кубоги топширилди.
«Биз чемпионликни нишонлашимиз керак, бизга бу энергия зарур. Менимча, бундан воз кечиш катта хато бўларди. Будапештда майдонга тушганимизда айнан шу кайфиятдан фойдаланишимиз кераклиги ҳақида аллақачон гаплашиб олдик. Финалга тайёргарлик душанбадан бошланади. Клубимиз тарихида янги саҳифа очиш имкониятини интизорлик билан кутяпмиз», — дея Arsenal Radar Артетанинг сўзларини келтиради.
«Арсенал» ва «ПСЖ» ўртасидаги ҳал қилувчи баҳс 30 май куни бўлиб ўтади.
