«Bavariya» hujumchisi Xarri Keyn faoliyatida ikkinchi marta Yevropa «Oltin butsa»sini qo‘lga kiritadi. Myunxenliklar yetakchisi Bundesligada 36 ta gol urib, 72 ochko bilan «Oltin butsa» umumiy reytingida barcha ta’qibchilaridan yaqqol ustun keldi (gollar soni ikkiga ko‘paytiriladi).
Keyn ushbu sovrinni ikki marta qo‘lga kiritgan o‘ninchi o‘yinchiga, shuningdek, bu natijaga erishgan birinchi ingliz futbolchisiga aylanadi. Bundan ko‘proq mukofot faqat ikki kishiga — Lionel Messiga (oltita) va Krishtianu Ronalduga (to‘rtta) nasib etgan.
Xarri Keyn o‘zining birinchi «Oltin butsa»sini ikki yil avval qo‘lga kiritgan edi — o‘shanda ham u Germaniya chempionatida 36 ta gol urgandi. Umumiy hisobda 32 yoshli hujumchi yakunlangan mavsumda 61 ta gol urishga muvaffaq bo‘ldi — bu uning shaxsiy rekordidir.
