«Бавария» ҳужумчиси Харри Кейн фаолиятида иккинчи марта Европа «Олтин бутса»сини қўлга киритади. Мюнхенликлар етакчиси Бундеслигада 36 та гол уриб, 72 очко билан «Олтин бутса» умумий рейтингида барча таъқибчиларидан яққол устун келди (голлар сони иккига кўпайтирилади).

Кейн ушбу совринни икки марта қўлга киритган ўнинчи ўйинчига, шунингдек, бу натижага эришган биринчи инглиз футболчисига айланади. Бундан кўпроқ мукофот фақат икки кишига — Лионель Мессига (олтита) ва Криштиану Роналдуга (тўртта) насиб этган.

Харри Кейн ўзининг биринчи «Олтин бутса»сини икки йил аввал қўлга киритган эди — ўшанда ҳам у Германия чемпионатида 36 та гол урганди. Умумий ҳисобда 32 ёшли ҳужумчи якунланган мавсумда 61 та гол уришга муваффақ бўлди — бу унинг шахсий рекордидир.