«Barselona» yarim himoyachisi Gavi JCH-2026 uchun terma jamoaga chaqirilganiga juda hissiyotli munosabat bildirdi.
Bugun Ispaniya terma jamoasi bosh murabbiyi Luis de la Fuente Jahon chempionati uchun yakuniy tarkibni e’lon qildi. «Barsa» vingeri Lamin Yamal jamoadoshining bu xabarga bildirgan reaksiyasini videoga olib, ijtimoiy tarmoqlarga joylashtirdi. O‘z ismini eshitgach, Gavi chin dildan baqirib, sakrab, atrofdagilar bilan quchoqlashib ketdi va hatto quvonchdan ko‘z yoshlarini to‘kdi.
21 yoshli ispaniyalik futbolchi tizzasidan olgan og‘ir jarohat va operasiya sababli bir yil davomida terma jamoaga chaqirilmagan edi.
Eslatib o‘tamiz, 2026 yilgi Jahon chempionati AQSH, Kanada va Meksikada 11 iyundan 19 iyulga qadar bo‘lib o‘tadi.
