«Барселона» ярим ҳимоячиси Гави ЖЧ-2026 учун терма жамоага чақирилганига жуда ҳиссиётли муносабат билдирди.

Бугун Испания терма жамоаси бош мураббийи Луис де ла Фуэнте Жаҳон чемпионати учун якуний таркибни эълон қилди. «Барса» вингери Ламин Ямал жамоадошининг бу хабарга билдирган реакциясини видеога олиб, ижтимоий тармоқларга жойлаштирди. Ўз исмини эшитгач, Гави чин дилдан бақириб, сакраб, атрофдагилар билан қучоқлашиб кетди ва ҳатто қувончдан кўз ёшларини тўкди.

21 ёшли испаниялик футболчи тиззасидан олган оғир жароҳат ва операция сабабли бир йил давомида терма жамоага чақирилмаган эди.

Эслатиб ўтамиз, 2026 йилги Жаҳон чемпионати АҚШ, Канада ва Мексикада 11 июндан 19 июлга қадар бўлиб ўтади.