«Kremoneze» yarim himoyachisi Alberto Grassi Italiya chempionati 38-turidan o‘rin olgan «Komo»ga qarshi o‘yinda (1:4) hakamni haqorat qilgani va uni turtgani uchun to‘rtta o‘yinga diskvalifikasiya qilindi.
A Seriya bayonotida aytilishicha, 31 yoshli italiyalik futbolchi xudoga til tekkazib haqorat qilgan (bu italyan tilidagi eng og‘ir so‘kinish hisoblanadi), bosh hakam Fabio Mareskaga tahdidli tarzda yaqinlashib, uni yengilgina turtgan.
Bundan tashqari, Grassining jamoadoshi Milan Jyurich rasmiy shaxslarni haqorat qilgani uchun ikkita o‘yinga, Devid Okereke esa bitta o‘yinga chetlatildi.
Alberto Grassi uchrashuvning 71-daqiqasida o‘z darvozasiga penalti belgilanganidan norozi bo‘lib, e’tiroz bildirgani uchun qizil kartochka olgan va maydondan chetlatilgan edi.
«Kremoneze» klubi 38 ta o‘yindan so‘ng 34 ochko jamg‘arib, Italiya chempionati turnir jadvalida 18-o‘rinni egalladi va Seriya B ga tushib ketdi.
