«Кремонезе» ярим ҳимоячиси Альберто Грасси Италия чемпионати 38-туридан ўрин олган «Комо»га қарши ўйинда (1:4) ҳакамни ҳақорат қилгани ва уни туртгани учун тўртта ўйинга дисквалификация қилинди.
А Серия баёнотида айтилишича, 31 ёшли италиялик футболчи худога тил текказиб ҳақорат қилган (бу итальян тилидаги энг оғир сўкиниш ҳисобланади), бош ҳакам Фабио Марескага таҳдидли тарзда яқинлашиб, уни енгилгина туртган.
Бундан ташқари, Грассининг жамоадоши Милан Жюрич расмий шахсларни ҳақорат қилгани учун иккита ўйинга, Девид Окереке эса битта ўйинга четлатилди.
Альберто Грасси учрашувнинг 71-дақиқасида ўз дарвозасига пенальти белгиланганидан норози бўлиб, эътироз билдиргани учун қизил карточка олган ва майдондан четлатилган эди.
«Кремонезе» клуби 38 та ўйиндан сўнг 34 очко жамғариб, Италия чемпионати турнир жадвалида 18-ўринни эгаллади ва Серия B га тушиб кетди.
