Germaniyalik mutaxassis Tomas Tuxel tomonidan bo‘lajak Jahon chempionati uchun tanlangan Angliya terma jamoasi tarkibi uning vatanidagi ommaviy axborot vositalari tomonidan keskin tanqid qilindi. Germaniyaning yetakchi nashrlaridan biri Tuxelning qarorlarini «aqlsizlik» deb atadi.

Germaniyaning BILD gazetasi sport muharriri Xenning Fayndt seshanba kuni shunday deb yozdi:

«Tuxel aql bovar qilmas darajadagi iqtidorli o‘yinchilar — Koul Palmer, Fil Foden va Trent Aleksander-Arnoldni tarkibdan chiqarib tashlashga qaror qildi. Dunyoning eng qimmat 10 ta futbolchisidan 3 tasi ro‘yxatdan tashqarida qoldi».

Jurnalistning fikricha, bu qaror Yulian Nagelsmannning Germaniya terma jamoasidan Florian Virs va Joshua Kimmixni chiqarib yuborishi bilan barobardir. «Qisqacha aytganda, bu — aqlsizlik. Lekin shu bilan birga, bu juda qiziq», — deya qo‘shimcha qildi u.

Shuningdek, nashr agar Angliya ushbu turnirda g‘alaba qozona olmasa, Tuxel o‘z lavozimini yo‘qotishini ta’kidlagan.