«Atletiko Madrid» hujumchisi Xulian Alvares Argentina terma jamoasidagi sherigi, «Inter» forvardi Lautaro Martines bilan bo‘layotgan raqobat haqida o‘z fikrlarini bildirdi.
«Lautaro bilan raqobatlashish — bu zavq. Maydonga birga tushgan paytlarimizda o‘zimizni yaxshi ko‘rsata olganmiz. Ikkimizdan birimiz o‘ynaganda, jamoaga foyda keltirish muhim hisoblanadi. Bu ichki raqobat har birimizni kundan-kunga yaxshiroq bo‘lishga undaydi», — deya Alvaresning so‘zlarini keltiradi FIFA.com.
Ma’lumot uchun, Xulian Alvares Argentina terma jamoasi safida 51 ta o‘yin o‘tkazib, 14 ta gol urgan. Lautaro Martines hisobida esa milliy jamoa libosidagi 75 ta o‘yin va 36 ta gol mavjud.
