Madridning «Real» klubi hujumchisi Vinisius Junior terma jamoadoshi Neymarning Braziliya safiga qaytishi haqida o‘z fikrlari bilan o‘rtoqlashdi.

Ma’lumki, bosh murabbiy Karlo Anchelotti 34 yoshli «Santos» futbolchisini Jahon chempionati uchun yakuniy tarkibga kiritgani ko‘pchilik uchun kutilmagan yangilik bo‘ldi. Ta’kidlash joizki, yulduzli hujumchi «pentakampeonlar» sharafini 2023 yildan buyon himoya qilmagan edi.

«Yig‘inlardan oldin Neymar doim: "La’nat bo‘lsin, Anchelotti meni yana chaqirmadi, juda xafaman", deb aytardi. Men esa unga murabbiy unga ishonishini va eng muhim pallada albatta taklif qilishini aytardim», – deya Vinisiusning so‘zlarini keltiradi Madrid Zone.

Eslatib o‘tamiz, Braziliya terma jamoasi Jahon chempionati guruh bosqichida Marokash, Gaiti va Shotlandiya terma jamoalariga qarshi maydonga tushadi.