«Real» prezidentligiga nomzod Florentino Peres klubni turli hujumlardan himoya qilishini ma’lum qildi.
«Men La Liganing isrofgarchiligi va klubimizga qilinayotgan hujumlar qarshisida chekinmoqchi emasman. Mening yagona missiyam — «Real»ni himoya qilishdir.
Qadrli sosyoslar (klub a’zolari), «Real», shuningdek, jamiyatning eng zaif qatlamlari oldida ham mas’uliyatni o‘z zimmasiga oladi. Otam menga madridist bo‘lishni o‘rgatgan va to‘rt yoshimdanoq bu hayotga o‘ziga xos tarzda qarash ekanini tushunib yetganman. Mehr-muhabbatingiz va yonimda bo‘lganingiz uchun rahmat. Biz hali birgalikda buyuk tarix yaratishimiz kerak», — dedi Peres.
