«Milan» va Italiya milliy jamoasining sobiq yarim himoyachisi Andrea Pirlo rossiyalik darvozabon Matvey Safonovning Fransiyaning «PSJ» klubidagi o‘yinlariga izoh berdi.

«U yaxshi o‘ynadi va birinchi raqamli darvozabon bo‘lishga munosib. Ammo agar ular boshqa darvozabonni sotib olishsa, hammasi o‘zgarib ketishi mumkin», – deya iqtibos keltiradi «RB Sport» italiyalik afsonaning so‘zlarini.

30 may kuni Safonov to‘p suradigan «PSJ» UYEFA Chempionlar ligasi finalida Londonning «Arsenal» jamoasiga qarshi bahs olib boradi. Uchrashuv Budapeshtdagi stadionda bo‘lib o‘tadi.

O‘tgan mavsumda Matvey Liga 1 doirasida 15 ta o‘yinda maydonga tushib, o‘z darvozasidan 14 ta to‘p o‘tkazib yubordi. Rossiyalik posbon parijliklar safida Fransiya chempioni bo‘lishga erishdi.