«Atalanta» himoyachisi Marko Palestra faoliyatini Angliya Premyer-ligasida davom ettirishi mumkin. TEAMtalk nashri xabariga ko‘ra, 21 yoshli futbolchiga «Chelsi» qiziqish bildirmoqda.

Biroq londonliklar bu yo‘lda «Inter» bilan raqobatlashishiga to‘g‘ri keladi. Milan klubi futbolchi uchun 45 million yevro miqdorida taklif tayyorlamoqda.

Marko Palestra «Atalanta» tarbiyalanuvchisi hisoblanib, uning bergamoliklar bilan shartnomasi 2029 yilning 30 iyuniga qadar mo‘ljallangan. 2025/26 yilgi mavsumni u ijara asosida «Kalyari»da o‘tkazdi va barcha turnirlarda 37 ta o‘yinda maydonga tushib, 1 ta gol va 4 ta golli uzatmaga mualliflik qildi. Transfermarkt portali himoyachining narxini 30 million yevroga baholamoqda.