«Аталанта» ҳимоячиси Марко Палестра фаолиятини Англия Премьер-лигасида давом эттириши мумкин. TEAMtalk нашри хабарига кўра, 21 ёшли футболчига «Челси» қизиқиш билдирмоқда.

Бироқ лондонликлар бу йўлда «Интер» билан рақобатлашишига тўғри келади. Милан клуби футболчи учун 45 миллион евро миқдорида таклиф тайёрламоқда.

Марко Палестра «Аталанта» тарбияланувчиси ҳисобланиб, унинг бергамоликлар билан шартномаси 2029 йилнинг 30 июнига қадар мўлжалланган. 2025/26 йилги мавсумни у ижара асосида «Кальяри»да ўтказди ва барча турнирларда 37 та ўйинда майдонга тушиб, 1 та гол ва 4 та голли узатмага муаллифлик қилди. Transfermarkt портали ҳимоячининг нархини 30 миллион еврога баҳоламоқда.