Ispaniya terma jamoasi bosh murabbiyi Luis de la Fuente AQSH, Kanada va Meksikada bo‘lib o‘tadigan 2026 yilgi jahon chempionati haqida o‘z fikrlarini bildirdi.

— Ushbu jahon chempionatida Ispaniya uchun muvaffaqiyat qanday ko‘rinishda bo‘ladi?

— Har bir o‘yinda xuddi oxirgisidek maydonga tushish, raqiblarni hurmat qilish va eng yuqori sovrinlar uchun kurashishga tayyor bo‘lish. Biz futbolchilardan so‘raydigan yagona narsa — bu g‘ayrat, mehnatsevarlik va fidoyilikdir. Natijalar esa o‘z-o‘zidan keladi, — deya de la Fuentening so‘zlarini keltiradi FIFA rasmiy sayti.

Ispaniya terma jamoasi jahon chempionatining «H» guruhida Kabo-Verde, Saudiya Arabistoni va Urugvay terma jamoalari bilan kurash olib boradi. Ispanlar turnirdagi ilk uchrashuvini 15 iyun kuni Kabo-Verdega qarshi o‘tkazadilar.