Испания терма жамоаси бош мураббийи Луис де ла Фуэнте АҚШ, Канада ва Мексикада бўлиб ўтадиган 2026 йилги жаҳон чемпионати ҳақида ўз фикрларини билдирди.
— Ушбу жаҳон чемпионатида Испания учун муваффақият қандай кўринишда бўлади?
— Ҳар бир ўйинда худди охиргисидек майдонга тушиш, рақибларни ҳурмат қилиш ва энг юқори совринлар учун курашишга тайёр бўлиш. Биз футболчилардан сўрайдиган ягона нарса — бу ғайрат, меҳнатсеварлик ва фидойиликдир. Натижалар эса ўз-ўзидан келади, — дея де ла Фуэнтенинг сўзларини келтиради ФИФА расмий сайти.
Испания терма жамоаси жаҳон чемпионатининг «H» гуруҳида Кабо-Верде, Саудия Арабистони ва Уругвай терма жамоалари билан кураш олиб боради. Испанлар турнирдаги илк учрашувини 15 июнь куни Кабо-Вердега қарши ўтказадилар.
