«Milan»ning sobiq ustozi Fabio Kapelloning fikricha, prezident Jerri Kardinale timsolidagi Amerika rahbariyati klubga salbiy ta’sir ko‘rsatmoqda. Mutaxassisning ta’kidlashicha, rahbariyat detallarga e’tibor bermaydi va shoshma-shosharlik bilan qarorlar qabul qiladi.

«Prezidentlar doim aybni murabbiylarga ag‘darishga harakat qilishadi. Ular Italiya futbolining o‘ziga xos xususiyatlarini va o‘zgarishlar uchun nima turtki bo‘lishini yaxshi tushunishmaydi. Italiyalik prezidentlar buni ancha yaxshi anglashadi. Chet ellik rahbarlar esa faqat moliyaviy qiymat haqida o‘ylashadi va ko‘pincha tahlilga emas, o‘z instinktlariga tayanib ish tutishadi», — deydi Kapello.

Eslatib o‘tamiz, «Milan» A Seriyaning yakunlangan mavsumida faqat beshinchi o‘rinni egalladi.