«Barselona» va Ispaniya terma jamoasi futbolchisi Lamin Yamal o‘z faoliyatidagi ilk Jahon chempionati boshlanishi arafasida hech qanday hayajon his qilmayotganini aytdi.
18 yoshli vinger mavsumning yakuniy qismini jarohat sabab o‘tkazib yubordi, ammo mundial startiga qadar tiklanib ulgurishi kerak.
«Agar nima qilishni bilmaganimda, asabiylashgan bo‘lardim. Men hech qachon futboldan boshqa ishda ishlamaganman, shuning uchun boshqa sohani uddalay olmasdim. Futbolda esa hammasi boshqacha, chunki men bu bilan butun umrim davomida shug‘ullanib kelyapman», — deya Yamalning so‘zlaridan iqtibos keltiradi The Touchline.
Ispaniya terma jamoasi guruh bosqichida Kabo-Verde, Saudiya Arabistoni va Urugvay terma jamoalariga qarshi bahs olib boradi.
