«Barselona»ning yangi futbolchisi, vinger Entoni Gordon jamoa bilan Chempionlar ligasida g‘olib chiqish imkoniyatlari haqida o‘z fikrlarini bildirdi.
«Barsa» bilan Chempionlar ligasida g‘olib chiqish afsonaviy voqea bo‘lardi. Men bu klub bilan hamma narsani yutish uchun kelganman. Barcha sovrinlarni qo‘lga kiritmoqchiman, lekin birinchi navbatda, albatta, Chempionlar ligasini. «Sent-Jeyms Park»da «Barselona» bilan to‘qnashganimizda, biz juda yaxshi o‘ynagandik. Yuqoridan pressing qildik. Ishimizni a’lo darajada bajarayotgandik, lekin Pedri va Frenki rejalarimizni chippakka chiqardi», — deya tan oldi Gordon.
Ma’lumot uchun, hozirgacha «Barselona» hisobida beshta Chempionlar ligasi kubogi mavjud: jamoa turnirda 1992, 2006, 2009, 2011 va 2015 yillarda zafar quchgan.
