«Manchester Siti»ning yangi bosh murabbiyi Enso Mareska yozgi transferlar uchun tarkibni shakllantirishni boshlab yubordi. U «Chelsi»ning 27 yoshli chap qanot himoyachisi Mark Kukurelya bilan muzokaralar olib bormoqda. Mareska ilgari ushbu futbolchi bilan birga ishlagan va Kukurelya uning yangi jamoasiga ideal darajada mos tushadi deb hisoblaydi. Bu haqda Caught Offside nashri xabar bermoqda.
«Chelsi» o‘z futbolchisini asosiy raqiblaridan biriga qo‘yib yuborish g‘oyasiga shubha bilan qaramoqda. Biroq, agar Kukurelyaning o‘zi transferni talab qilib turib olsa, uni jamoada olib qolish qiyin bo‘lishi mumkin.
Yakunlangan mavsumda himoyachi «Chelsi» safida 50 ta o‘yinda maydonga tushib, bitta gol urdi va to‘rtta golli uzatmani amalga oshirdi. Uning klub bilan shartnomasi 2028 yilgacha mo‘ljallangan, Transfermarkt portali esa futbolchining transfer qiymatini 50 million yevroga baholamoqda.
