«Betis» yarim himoyachisi Isko o‘zining kichik o‘g‘li haqida gapirib berdi.
«Mening kichik o‘g‘lim futbol o‘ynashni xohlamasligini aytdi. U mening qo‘ltiqtayoqda yurib, ko‘p azob chekkanimni ko‘rdi... Va otasini bunday holatda ko‘rishni istamaydi.
«Betis» — juda buyuk klub. Buni tarixdagi eng muvaffaqiyatli klub — «Real»da o‘ynagan inson sifatida aytyapman. Biroq bu klub sizni bebaho ekaningizni his qilishga majbur qiladi. U menga yana futboldan zavq olishni o‘rgatdi va ta’riflab bo‘lmas muhabbat hadya etdi», — deya Iskoning so‘zlarini keltiradi Marca nashri.
Isko 2023 yilda erkin agent sifatida «Betis»ga o‘tgan edi. Uning amaldagi shartnomasi 2028 yilning 30 iyuniga qadar mo‘ljallangan. 2025/26 yilgi mavsumda yarim himoyachi klub safida to‘qqizta o‘yin o‘tkazib, bitta gol urdi va bitta golli uzatmani amalga oshirdi.
