«Бетис» ярим ҳимоячиси Иско ўзининг кичик ўғли ҳақида гапириб берди.
«Менинг кичик ўғлим футбол ўйнашни хоҳламаслигини айтди. У менинг қўлтиқтаёқда юриб, кўп азоб чекканимни кўрди... Ва отасини бундай ҳолатда кўришни истамайди.
«Бетис» — жуда буюк клуб. Буни тарихдаги энг муваффақиятли клуб — «Реал»да ўйнаган инсон сифатида айтяпман. Бироқ бу клуб сизни бебаҳо эканингизни ҳис қилишга мажбур қилади. У менга яна футболдан завқ олишни ўргатди ва таърифлаб бўлмас муҳаббат ҳадя этди», — дея Исконинг сўзларини келтиради Marca нашри.
Иско 2023 йилда эркин агент сифатида «Бетис»га ўтган эди. Унинг амалдаги шартномаси 2028 йилнинг 30 июнига қадар мўлжалланган. 2025/26 йилги мавсумда ярим ҳимоячи клуб сафида тўққизта ўйин ўтказиб, битта гол урди ва битта голли узатмани амалга оширди.
