«Arsenal» yarim himoyachisi Eberechi Eze Fransiyaning «Pari Sen-Jermen» klubiga qarshi bo‘lib o‘tadigan UYEFA Chempionlar ligasi finali haqidagi fikrlari bilan o‘rtoqlashdi.
Bugun, 30 may kuni Chempionlar ligasining 2025/2026 yilgi mavsum finalida «Arsenal» va «PSJ» jamoalari to‘qnash kelishadi. Uchrashuv Budapeshtdagi «Pushkash Arena» stadionida bo‘lib o‘tadi. O‘yin Toshkent vaqti bilan soat 21:00 da boshlanadi.
«Chempionlar ligasi finali — bu orzular maskani. Bu haqda sen bolaligingda gapirgansan va shuni xohlagansan. U yerda bo‘lish imkoniyatiga ega bo‘lish — bu juda o‘zgacha tuyg‘u.
O‘zimga ishonamanmi? Ha, albatta. Menimcha, biz o‘zimiz uchun juda muhim bo‘lgan narsaga erishdik va bu bilan birga keladigan quvonch, ishonch hamda kuch ham o‘zgachadir. Shuning uchun ishonchim komil: biz bularning barchasini o‘yin kuni maydonga olib chiqamiz. Bu haqiqiy erkinlik beradi. Bu avval hech kim qilmagan ishni qilish imkoniyatidir. Ko‘pchilikda bunday imkoniyat bo‘lgan.
Biz shunchaki ushbu imkoniyatga ega bo‘lgan navbatdagi guruhmiz va bundan foydalanishimizni so‘rab duo qilaman. Buni amalga oshirganimizda, bu albatta tarixiy va o‘ta ahamiyatli lahzaga aylanadi», — deya Ezening so‘zlarini keltiradi Sky Sports nashri.
