«Арсенал» ярим ҳимоячиси Эберечи Эзе Франциянинг «Пари Сен-Жермен» клубига қарши бўлиб ўтадиган УЕФА Чемпионлар лигаси финали ҳақидаги фикрлари билан ўртоқлашди.
Бугун, 30 май куни Чемпионлар лигасининг 2025/2026 йилги мавсум финалида «Арсенал» ва «ПСЖ» жамоалари тўқнаш келишади. Учрашув Будапештдаги «Пушкаш Арена» стадионида бўлиб ўтади. Ўйин Тошкент вақти билан соат 21:00 да бошланади.
«Чемпионлар лигаси финали — бу орзулар маскани. Бу ҳақда сен болалигингда гапиргансан ва шуни хоҳлагансан. У ерда бўлиш имкониятига эга бўлиш — бу жуда ўзгача туйғу.
Ўзимга ишонаманми? Ҳа, албатта. Менимча, биз ўзимиз учун жуда муҳим бўлган нарсага эришдик ва бу билан бирга келадиган қувонч, ишонч ҳамда куч ҳам ўзгачадир. Шунинг учун ишончим комил: биз буларнинг барчасини ўйин куни майдонга олиб чиқамиз. Бу ҳақиқий эркинлик беради. Бу аввал ҳеч ким қилмаган ишни қилиш имкониятидир. Кўпчиликда бундай имконият бўлган.
Биз шунчаки ушбу имкониятга эга бўлган навбатдаги гуруҳмиз ва бундан фойдаланишимизни сўраб дуо қиламан. Буни амалга оширганимизда, бу албатта тарихий ва ўта аҳамиятли лаҳзага айланади», — дея Эзенинг сўзларини келтиради Sky Sports нашри.
