"Napoli" yarim himoyachisi Kevin de Bryuyne Antonio Kontening klubdan ketgani yuzasidan o‘z munosabatini bildirdi.
Italiyalik mutaxassis 2025/26 yilgi mavsum yakunida jamoa bosh murabbiyi lavozimini tark etdi. Uning o‘rnini Massimiliano Allegri egallashi haqida xabarlar tarqalgandi.
"Konte ketayotganidan xursandmanmi? Men — ha. Menimcha, u qolishi kerak emasdi. Men qolamanmi? O‘ylashimcha, qanday futbol o‘ynashimizni muhokama qilish muhim. Bu yil men uchun o‘yin uslubi juda muhimligini sezdim. U tomoshabop bo‘lishi kerak, menga esa bu biroz yetishmayotgandi.
Mening yana bir yillik shartnomam bor, ammo men [klub rahbariyati bilan] gaplashib olmoqchiman. O‘tgan yili ham ko‘p gapirishgandi: "Biz faloncha uslubda o‘ynaymiz va unday qilamiz", deb, lekin bundan deyarli hech narsa chiqmadi va albatta, bu qayg‘uli", — dedi De Bryuyne.
