«Arsenal» bosh murabbiyi Mikel Arteta Chempionlar ligasi finalida «PSJ»dan qabul qilingan mag‘lubiyatdan xafa, albatta. Biroq ispaniyalik mutaxassis o‘yindan keyingi matbuot anjumanida o‘z jamoasi va shtabiga minnatdorchilik bildirdi.
«Men futbolchilarga va shtabga shunday dedim: agar million marta «rahmat» aytsam ham, bu baribir kam bo‘ladi. Bu faqat APLdagi chempionlik, faqat Kubok finali yoki Chempionlar ligasi finaligacha yetib kelganimiz haqida emas. Gap biz har kuni birgalikda his qilgan quvonch va onlar haqida ketmoqda», — dedi Arteta jurnalistlarga.
Eslatib o‘tamiz, «Arsenal» joriy mavsumda 2004 yildan beri ilk bor Angliya chempioni degan sharafli nomga sazovor bo‘ldi.
