«Real Madrid» prezidenti Florentino Peres Forbes jurnalining yangi reytingi natijalariga munosabat bildirdi. Bu haqda ElPais nashri xabar bermoqda.
«Forbes jurnali bizni yana dunyoning eng qimmat klubi deb e’lon qildi. Bir yil ichida qiymatimiz 41 foizga oshdi. Biz dunyodagi eng yuqori daromadga ega klub bo‘lib qolmoqdamiz va hatto Amerika futboli bo‘yicha Milliy futbol ligasining (NFL) «Dallas Kovboyz» jamoasini ham ortda qoldirdik», — dedi Peres.
«Real» rahbari klub boshqaruvi o‘z oldiga bundan ham yuqoriroq va ulkan moliyaviy maqsadlarni qo‘yayotganini alohida ta’kidlab o‘tdi.
