«Реал Мадрид» президенти Флорентино Перес Forbes журналининг янги рейтинги натижаларига муносабат билдирди. Бу ҳақда ElPais нашри хабар бермоқда.
«Forbes журнали бизни яна дунёнинг энг қиммат клуби деб эълон қилди. Бир йил ичида қийматимиз 41 фоизга ошди. Биз дунёдаги энг юқори даромадга эга клуб бўлиб қолмоқдамиз ва ҳатто Америка футболи бўйича Миллий футбол лигасининг (NFL) «Даллас Ковбойз» жамоасини ҳам ортда қолдирдик», — деди Перес.
«Реал» раҳбари клуб бошқаруви ўз олдига бундан ҳам юқорироқ ва улкан молиявий мақсадларни қўяётганини алоҳида таъкидлаб ўтди.













